तेन्दुलकर पनि नयाँ कोरोनाबाट पीडित

एजेन्सी । भारतीय पूर्व क्रिकेटर सचिन तेन्दुलकरलाई कोरोना संक्रमण पुष्टि भएको छ । सचिन आफैँले ट्वीट गरेर आफुलाई कोरोना पुष्टि भएको बताएका छन् । उनका परिवारका अन्य सदस्यहरूको कोरोना रिपोर्ट नकारात्मक आएको छ।

उनले भनेका छन्, ‘म हल्का लक्षणहरु पछि कोरोना पोजिटिभ पाएको छु। मैले आफूलाई क्वारेन्टाइनमा राखेको छु। यस बाहेक म यस महामारी सम्बन्धी सबै आवश्यक प्रोटोकलहरु पछ्याउँदैछु। म सबै हेल्थकेयर प्रोफेशनल्सलाई धन्यवाद दिन्छु।’