बिहीबार, कार्तिक ६, २०७७

बाहिर रहेकी पत्नी जेलमा गएर पतिसँग बस्न पाउने, महिला कैदी गर्भवती भए ६० दिन बिदा

नेपालखोज २०७६ कार्तिक २२ गते ७:१८

२२ कात्तिक, काठमाडौं । अब पति वा पत्नी जेलमा रहे पनि दम्पतीले सन्तान सुखबाट वञ्चित हुनुपर्ने छैन । बाहिर रहेकी पत्नी जेलमा गएर पतिसँग बस्न पाउँछिन् । बाहिर रहेका पतिलाई कैदी पत्नीसँग भेट्न छेकिने छैन ।

Advertisement

कारागार परिसरभित्रै उनीहरूले यौन सम्पर्क राख्न पाउनेछन् । त्यति मात्र होइन, गर्भवती महिला कैदीले ६० दिनसम्म बिदा पाउनेछन्। सुत्केरी हुँदा उनीहरूलाई दुई महिना परिवारसँग परिवारसँग बिताउन दिइनेछ। सरकारले यी दुई व्यवस्था समेटेर कारागार ऐन संशोधन विधेयक तयार पारेको छ। संसद्को आउँदो हिउँदे अधिवेशनमा ‘कारागार ऐन २०१९ संशोधन र एकीकरण गर्न बनेको विधेयक’ पेस गरिँदै छ । यो समाचार आजको कान्तिपुर दैनिकले छापेको छ ।

प्रतिक्रिया