सोमबार, मंसिर १५, २०७७

आन्तरिक कलह समाप्त नभए काँग्रेस हराउँछः नेत्री कोइराला

नेपालखोज २०७६ पुष १८ गते १५:१८

१८ पुष, बुटवल । नेपाली काँग्रेसका केन्द्रीय सदस्य सुजाता कोइरालाले आन्तरिक कलह समाप्त नभए पार्टी हराएर जाने बताउनुभएको छ ।

प्रेस युनियन रुपन्देहीले आज शुक्रबार बुटवलमा आयोजना गरेको पत्रकार सम्मेलनमा बोल्दै उहाँले पार्टी बलियो बनाउने गरी भूमिका निर्वाह गर्न सभापति शेरबहादुर देउवालाई आग्रह गर्नुभयो । केन्द्रीय सदस्य कोइरालाले पार्टी सभापति शेरबहादुर देउवा पुनः सभापति बन्नकै लागि पार्टी समाप्त पार्न लागेको आरोपसमेत लगाउनु भयो ।

“पार्टी सबैभन्दा प्रमुख विषय हो, व्यक्ति ठूलो होइन, पार्टीको विवाद नमिले आउने चुनावमा काँग्रेस शून्यमा झर्छ, उहाँले भन्नुभयो, “पार्टीभित्र यस्तै किचलो रहिरहे आफू यो पार्टीमा भोट हाल्नलाई हात काँप्नेछ ।” काँग्रेस महाधिवेशनमा सबैको साझा उम्मेदबार बन्नुपर्ने र पार्टीलाई बलियो बनाउनेलाई जिताउनुपर्ने उहाँको भनाइ छ ।

प्रतिक्रिया