बिहीबार, चैत १५, २०८०

प्राविधिक समस्या आउँदा श्री एयरलाइन्सको नेपालगञ्ज उडान रोकियो

नेपालखोज २०७६ फागुन १० गते १०:२२

काठमाडौँ । काठमाडौंबाट नेपालगञ्ज जाने तयारीमा रहेको श्री एयरलाइन्सको हवाई जहाजमा ‘गम्भीर समस्या’ आएको भन्दै अन्तिम समयमा उड्नबाट रोकिएको छ ।

शनिबार आज बिहान साढे आठ बजे सो हवाई जहाज नेपालगञ्ज उड्ने तयारीमा थियो । यात्रुहरु बोर्डिङ पास लिएर हवाई जहाजमा बसिसकेका यात्रुहरुलाई छिटो–छिटो ओर्लिन भनिएको थियो ।

श्री एयरलाइन्सका कर्मचारीहरुले ‘सिरियस टेक्निकल प्रोबलम’ आएको भन्दै यात्रुहरुलाई रोकेर राखेका छन् । कस्तो खालको प्राविधिक समस्या हो भन्नेबारेमा जानकारी भने दिइएको छैन ।

श्री एयरलाइन्सका महाप्रवन्धक अनिल मानन्धरले प्राविधिक समस्या आएकाले उडान रोकिएको र मर्मतको काम भइरहेको जानकारी दिए ।

प्रतिक्रिया