८२ दिनपछि खुकुलो बन्यो लकडाउन, तर खुल्ने छैनन् यी क्षेत्र !

नेपाल खोज डेक्स,

काठमाडौँ । ८२ दिनको कडा बन्दाबन्दी (लकडाउन) पछि आजबाट मुलुक पूर्ण लकडाउन मुक्त भएको छ । सरकारले चैत ११ गतेबाट सुरु गरेको लकडाउनलाई ८ पटक म्याद थपेर जेठ ३२ गतेसम्म लम्ब्याएको थियो ।

त्यसपछि लकडाउनको म्याद नथपी सरकारले असार १ बाट खुकुलो बनाउने निर्णय गरेसँगै आजबाट मुलुक लकडाउनमुक्त भएको हो ।

लकडाउन खुले पनि सबै क्षेत्र र व्यवसाय भने अझै खुलेका छैनन् । आजबाट सरकारी कार्यालय, निजी सवारी साधनसहित २१ क्षेत्र खुले पनि कैयौं क्षेत्र अझै बन्द रहनेछन् ।

विद्यालय, कलेज, धार्मिक तथा सामाजिक स्थल, खेलकुदका गतिविधि, सपिङ मल, सिनेमा हल, पार्टी प्यालेस, स्विमिङ पुल, जिमखाना, हवाई उडानसहितका गतिविधि अझै २१ दिनसम्म बन्द नै रहने अर्थ र सञ्चारमन्त्री समेत रहेका सरकारका प्रवक्ता डा. युवराज खतिवडाले जानकारी दिए ।

उनका अनुसार लकडाउनको म्याद नथपिए पनि सबै क्षेत्र भने अहिले खुल्न पाउने छैनन् । क्रमशः परिस्थितिको मूल्यांकन गरेर लकडाउन खुकुलो बनाउँदै खोलिने उनले बताए ।

अझै खुल्ने छैनन् यी क्षेत्र

– शैक्षिक संस्था (विद्यालय, कलेज, ट्युसन सेन्टर, तालिम केन्द्र)

– सपिङ मल, डिपार्टमेन्ट स्टोर (खाद्यपदार्थबाहेक)

– सिनेमा हल, पार्टी प्यालेस, डान्स बार र सबै प्रकारका मनोरञ्जन स्थल

– अनुमतिप्राप्त गरेका बाहेकका अन्तर्राष्ट्रिय तथा आन्तरिक उडान

– तोकिएबाहेकका अन्तर्राष्ट्रिय सीमानाकाबाट हुने आवतजावत

– सबै प्रकारका महोत्सव, जात्रा, मेला, सभा, सम्मेलन, प्रदर्शन

– २५ जनाभन्दा बढी सहभागी हुने बैठक, गोष्ठी, तालिम, सेमिनार

– सबै प्रकारका धार्मिक तथा सामाजिक स्थल

– स्विमिङ पुल, जिमखाना, साउना, स्टिमलगायत हेल्थ क्लब, मसाज सेन्टर, सैलुन, ब्युटी पार्लर

– खेलकुद प्रतियोगिता र खेल मैदानमा हुने प्रस्तुती

– पहिलो चरणमा खुल्ने भनी माथि तोकिएका बाहेक अन्य सबै सवारी साधन

– बेलुकी ९ बजेदेखि बिहान ५ बजेसम्म एम्बुलेन्स, दमकल, शववाहन र ढुवानीबाहेक सबै प्रकारका आवागमन बन्द हुनेछन् ।

लकडाउन श्रृंखला

पहिलो स् चैत ११ गते बिहान ६ बजेदेखि चैत १८ गते बिहान ६ बजेसम्म

दोस्रो स् चैत २५ सम्म

तेस्रो स् वैशाख ३ मध्यरातसम्म

चौथो स् वैशाख १५ मध्यरातसम्म

पाँचौँ स् वैशाख २५ मध्यरातसम्म

छैटौँ स् जेठ ५ मध्यरातसम्म

सातौँ स् जेठ २० मध्यरातसम्म

आठौँ स् जेठ ३२ मध्यरातसम्म