एकै पोखरीमा डुबेर तीन बालकको मृत्यु
नेपालखोज
२०७७ साउन ८ गते १७:४२
झापा । झापाको भद्रपुर नगरपालिका २ को कमलधापमा निर्माणाधीन पोखरीमा डुबेर तीन बालकको मृत्यु भएको छ ।
पोखरीमा डुबेर भद्रपुर २ का अनिल तामाङका १० वर्षीय छोरा अङ्कुश तामाङ, सोहि ठाउँका कमला थामीका दुई छोरा १५ वर्षीय करण र १२ वर्षीय अर्जुन रहेको जिल्ला प्रहरी कार्यालय झापाका प्रवक्ता राकेश थापाले जानकारी दिए ।
हिजो दिउँसो घरबाट खेल्न निस्किएका अङ्कुश अबेरसम्म घर नआएपछि खोजतलास गर्ने क्रममा राति ७ बजे मृतावस्थामा फेला परेका थिए ।
उनीसँगै बेपत्ता भएका करण र अर्जुनको खोजी गर्ने क्रममा त्यही पोखरीभित्र गाडिएको अवस्थामा शव भेटिएको प्रवक्ता थापाले बताए । माछा मार्न र पौडी खेल्न तीनै जना बालकसँगै गएको प्रारम्भिक अनुसन्धानबाट खुलेको छ ।
सम्बन्धित
प्रतिक्रिया