चिनियाँ राजदूत यान्छी र माधव नेपालबीच भेटवार्ता

काठमाडौं । चिनियाँ राजदूत होउ यान्छीले नेकपा प्रचण्ड समूहका अध्यक्ष माधवकुमार नेपालसँग भेटवार्ता गरेकी छन् ।

प्रतिनिधि सभा विघटन र नेकपा विभाजनपछि राष्ट्रपति विद्यादेवी भण्डारी तथा प्रधानमन्त्री केपी शर्मा ओलीसँग भेटेकी यान्छीले कोटेश्वर पुगेर नेपालसँग पनि भेटेकी हुन् ।

भेटमा नेपालको पछिल्लो राजनीतिक घटना क्रम तथा दुई देशबीचको आपसी सम्बन्धका विषयमा कुराकानी भएको बताइएको छ । यसअघि यान्छीले पूर्व सभामुख कृष्णबहादुर महरासँग पनि भेटेकी थिइन् ।