केनको दुबै खुट्टामा चोट

काठमाडौं । इंग्लिस प्रिमियर लिग क्लब टोटेनहमका फरवार्ड ह्यारी केनले खुट्टामा चोट बोकेका छन् ।

बिहीवार राति प्रिमियर लिग अन्तर्गतको खेलमा केनले चोट पाएका हुन् ।

घरेलु मैदानमा भएको खेलमा केनको दुबै खुट्टाको एन्कलमा चोट लागेको थियो ।

लिभरपुलका जोर्डन हेन्डरसनसँग जुध्न पुग्दा उनको देब्रे खुट्टाको एन्कलमा चोट लागेको हो ।

यस्तै लिभरपुलका थियागोको ट्याकलमा उनको दाहिने खुट्टाको एन्कलमा चोट लागेको हो ।

चोटका कारण केन ४६ औं मिनेटमा मैदानबाट बाहिरिएका थिए ।

दुबै खुट्टाको एन्कलमा चोट बोकेपछि केन अब केहि हप्ता मैदान बाहिरै रहने छन् ।