कांग्रेस केन्द्रीय समिति बैठक अझै सुरु भएन, समूहगत रणनीति बनाउनमै व्यस्त

काठमाडौं । नेपाली कांग्रेस केन्द्रीय कार्यसमिति बैठकअघि नेताहरू गुटगत छलफलमा जुटेका छन् । पार्टी केन्द्रीय कार्यालयमा सभापति शेरबहादुर देउवा र वरिष्ठ नेता रामचन्द्र पौडेल आफ्नो कार्यकक्षमा आफूनिकट नेताहरुसँग आन्तरिक छलफल गरिरहेका हुन् ।

दिउँसो दुई बजे बैठक बस्ने भनिए पनि महाधिवेशनको कार्यतालिका र संसद विघटनको ठोस नीतिका विषयमा दुवै पक्ष छलफला जुटेको बुझिएको छ । पौडेल पक्षले जेष्ठमा महाधिवेशन गर्ने गरि कार्यतालिका ल्याउन जोड दिएको छ भने देउवा पक्ष भदौमा गर्ने गरि कार्यतालिका ल्याउने तयारीमा छ ।

यस्तै पार्टी तेस्रो धार कृष्णप्रसाद सिटौला समूहले भने तीन वटा विषय अगाडि सार्ने भएको छ । सिटौला निकट नेताहरूले संसद पुनःस्थापन कि निर्वाचन पार्टी नीति बनाउनुपर्नेमा जोड दिने छ । कसैले निर्वाचन कसैले संसद पुनःस्थापन भन्न कुरा राम्रो नभएको उक्त पक्षको बुझाई छ ।