हेटौंडाको चौकीटोलमा दुई सुमो आपसमा ठोक्किँदा ११ जना घाइते

हेटौंडा । मकवानपुरको हेटौंडा उपमहानगरपालिका–२ स्थित चौकीटोलमा दुईवटा सुमो एक आपसमा ठोक्किँदा ११ जना घाइते भएका छन् ।

हेटौंंडाबाट काठमाडौंतर्फ जाँदै गरेको प्रदेश – ३ –०३–००१ ज ००२९ नम्बरको सुमो र विपरीत दिशाबाट आउँदै गरेको ना १ ज २४६० नम्बरका सुमो मंगलबार बिहान एकआपसमा ठोक्किएर हो ।

जिल्ला प्रहरी कार्यालयका प्रहरी नायब उपरीक्षक इन्द्रबहादुर रानाका अनुसार घाइते सबैको हाल हेटौंँडा अस्पताल र सञ्चो अस्पतालमा उपचार भइरहेको छ ।

घाइतेको अवस्था सामान्य रहेको र दुवै सुमोलाई नियन्त्रणमा लिइएको प्रहरीले जानकारी दिएको छ ।