नेपाली चलचित्र ‘रिभेन्ट’ को फर्स्ट लुक सार्वजनिक

काठमाडौं– डिएस डिजिटल सिनेमाको ब्यानरमा मोहन गमालको प्रस्तुति तथा अमन कुमार देवको निर्माणमा तयार भएको नेपाली फिल्म ‘रिभेन्ट’ को फर्स्ट लूक पोस्टर सार्वजनिक भएको छ । यो फिल्म शंकर अधिकारी घायलको लेखन तथा निर्देशनमा निर्माण भैरहेको छ । पोस्टरले फिल्मको छवि उजागर गरेको निर्देशक अधिकारीको भनाइ छ ।

फिल्ममा खगेन्द्र घिमिरे ,रोशन बिसि, विशाल अग्रवाल, रविन श्री, प्रीतिका शर्मा, रेनु थापा, माया चाहर, पदम सुनार, आर जे भिलेनको मुख्य अभिनय रहेको छ । यो फिल्ममा कृष्ण पाण्डेको छायांकन, राजन महर्जनको नृत्य, देव महर्जनको द्वन्द, सानू सबिकको ड्रोन, बिश्वास भण्डारीको सम्पादन रहेको छ ।

फिल्मका गीतहरुमा नित्याशिवा, दिपक लिम्बु, पूर्ण सापकोटा र दिलु श्रेष्ठको रहेको छ । फिल्ममा सिएल शर्मा, निर्देशक अधिकारी, राजु लामा तथा पूर्ण सापकोटाको संगीत रहेको छ भने निर्देशक अधिकारी, सुभाष गौतम, इन्द्र श्रेष्ठ सरितले ती गतिहरु रचना गरेका हुन् । पृष्ठभूमि संगीत राजेन्द्र बजगाईंको रहेको छ । फिल्मको डिजिटल पार्टनरमा ओएसआर डिजिटल रहेको छ । फिल्मलाई अगामी असारमा प्रदर्शन गर्ने योजन निर्माण पक्षको छ ।