कोरोना संक्रमणदर बढेसँगै रोकियो आईपीएल

काठमाडौं । भारतमा कोरोना संक्रमणको दर बढेसँगै इन्डियन प्रिमियर लिग (आईपीएल) का सबै खेलहरु अनिश्‍चितकालका लागि रोकिएका छन् ।

खेलाडीहरुमा पनि कोरोना संक्रमण फैलिएसँगै आईपीएलको २०२१ का सबै खेल रद्द गरिएका हुन् । खेल तालिका सबै रोकिएको आईपीएलका अध्यक्ष ब्रिजेस पटेललाई उद्धृत गर्दै बीबीसीले समाचार लेखेको छ ।

भारतीय समाचार एजेन्सी पीटीआईसँग पटेलले भनेका छन्, ‘आईपीएलका सबै सदस्यहरुको कोरोना संक्रमणको सुरक्षालाई लिएर यस्तो फैसला गरिएको हो ।’