अक्सिजनका १८ हजार खाली सिलिन्डर काठमाडौं ल्याइँदै

काठमाडौं । चीन सरकारले अनुदानमा दिने भनेको १८ हजार खाली अक्सिजनका सिलिन्डर तातोपानी नाका आइपुगेकाे छ ।
उपप्रधानमन्त्री तथा कोभिड–१९ सङ्क्रमण व्यवस्था केन्द्रका संयोजक ईश्वर पोखरेलका प्रेस सल्लाहकार गणेश पाण्डेले १८ हजार सिलिन्डर स्थलमार्ग हुँदै तातोपानी नाकामा आइपुगेको जानकारी दिए ।

ती सिलिन्डर चीन सरकारले हस्तान्तरण गरेपछि काठमाडौँ ल्याइनेछ । नेपालमा सिलिन्डरको अभावमा धेरै कोरोना संक्रमितको मृत्युु हुन थालेपछि सरकारले चीनबाट अनुदानमा २० हजार खाली सिलिन्डर पाएको थियो ।

यसअघि ४०० सिलिन्डर नेपाल वायुसेवा निगमको वाइडबडी विमानबाट ल्याइएको थियो । अब बाँकी एक हजार ६०० सिलिन्डर पनि जहाजबाट ल्याउने तयारी भइरहेको छ ।

आजै चीनबाट ५५० अक्सिजन सिलिन्डर नेपाल वायुसेवा निगमको वाइडबडी विमानले ल्याउँदैछ ।