चीनले आज विश्वका राजनीतिक दलहरुको सम्मेलन गर्दै, ओलीसहितका शीर्ष नेताहरुले छलफल गर्ने

काठमाडौं । चिनले विश्वका विभिन्न देशका पार्टीहरुलाई समेटेर आज राजनीतिक सम्मेलन गर्दैछ । सम्मेलनमा चिनियाँ राष्ट्रपति सी चीनफिङसँग प्रधानमन्त्री केपी शर्मा ओलीसहित राजनीतिक दलका शीर्ष नेताहरुले भर्चुअलमाध्यमबाट छलफल गर्ने छन् ।

चिनियाँ कम्युनिष्ट पार्टी स्थापनाको सय वर्ष पुगेको अवसरमा उक्त छलफल हुन लागेको हो । छलफल आज साझँ सवा ६ बजे हुने प्रधानमन्त्रीका प्रेस सल्लाहकार सूर्य थापाले जानकारी दिए ।

छलफलमा प्रधानमन्त्री ओली, नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल, जसपाका संघीय परिषद् अध्यक्ष बाबुराम भट्टराई र अध्यक्ष उपेन्द्र यादव तथा राप्रपा अध्यक्ष पशुपतिशमशेर राणा लगायतका नेताहरु सहभागी हुनेछन् । छलफलमा दक्षिण एसियाली मुलुकका प्रतिनिधिहरुको पनि सहभागीता रहनेछ ।