एमालेको कार्यदलले सहमतिको खाका कोर्दै

काठमाडौं । नेकपा एमालेको आन्तरिक विवाद मिलाउन सक्रिय कार्यदलको बैठक आज पनि बस्दैछ ।

आज बिहान ११ बजे बस्ने बैठक निर्णायक हुनसक्ने बताइएको छ ।

यसअघि हिजो दुई शीर्ष नेताबीचको भेटको छलफलअनुसार आज कार्यदलले सहमतिको खाका तयार पार्ने एक नेताले बताए ।

पार्टी अध्यक्ष केपी शर्मा ओली र वरिष्ठ नेता माधवकुमार नेपालबीच हिजो बेलुकी होटल मेरियटमा २ घण्टा छलफल भएको थियो ।

सुरुमा दुवै तर्फका दुई÷दुई जना कार्यदल सदस्यहरुसहित छलफल भएपछि दुई शीर्ष नेताबीच एक्ला एक्लै छलफल भएको थियो ।