प्रतिनिधिसभा कार्यव्यवस्था परामर्श समितिको बैठक बस्दै, यी हुन् एजेन्डा

काठमाडौं । संघीय संसद, प्रतिनिधि सभा कार्यब्यवस्था परामर्श समितिको बैठक अहिले केहिबेरमा बस्ने भएको छ ।

सर्वोच्च अदालतको परमादेशबाट दोस्रो पटक पुनस्र्थापित प्रतिनिधि सभाको बैठकको अधिवेशनबारे छलफल गर्न कार्यव्यवस्था परामर्श समितिको बैठक बस्ने भएको हो ।

सभामुख सभामुख अग्निप्रसाद सापकोटाको अध्यक्षतामा बैठक विहान १० बजे सिंहदरबारस्थित संघीय संसद सचिवालयमा बस्ने सभामुखका प्रेस संयोजक श्रीधर न्यौपानेले जानकारी दिएका छन् ।

कार्यव्यवस्था परामर्श समितिको बैठक लगत्तै सत्तारुढ नेकपा माओवादी केन्द्र र त्यसपछि दिउँसो २ बजे कांग्रेस संसदीय दलको बैठक बस्ने तयारी छ ।

बैठकको कार्यसुची संसद सचिवालयले हिजो साझैँ प्रकाशित गरिसकेको छ ।