मेघ गर्जनसहित वर्षाको सम्भावना

काठमाडौं । आज देशभर मेघ गर्जन र चट्याङसहित हल्कादेखि मध्यम वर्षाको सम्भावना छ । जल तथा मौसम पूर्वानुमान महाशाखाका अनुसार दिउँसो देशका विभिन्न स्थानमा वर्षाको सम्भावना छ ।

अहिले गण्डकी र लुम्बिनी प्रदेशमा सामान्य बदली छ । देशका केही स्थानमा मेघ गर्जन र चट्याङसहित हल्कादेखि मध्यम वर्षाको सम्भावना रहेकाले पहाडी भू–भागमा भूक्षय, पहिरो तथा गेग्रान बहावको जोखिम रहेको महाशाखाले आफ्नो नियमित बुलेटिनमार्फत जनाएको छ ।

नदी-नाला र खहरे खोलामा पानीको सतह बढ्न सक्ने भएकोले सतर्कता अपनाउन पनि महाशाखाले सबैमा अनुरोध गरेको छ ।