ईपीएल : पहिलो खेलमा विराटनगर र काठमाडौं भिड्ने

काठमाडौं । एभरेष्ट प्रिमियर लिग (ईपीएल) मा आज २ खेल हुँदै छन् । पहिलो खेलमा विराटनगर वारियर्स र काठमाडौं किंग्स–११ भिड्ने छन् । खेल कीर्तिपुरस्थित टीयू क्रिकेट मैदानमा बिहान साढे ९ बजेदेखि हुँदै छ ।

दोस्रो खेलमा चितवन टाइगर्स र ललितपुर प्याट्रिओट्स आमनेसामने हुनेछन् । यो खेल दिउँसो साढे १ बजेबाट सुरु हुनेछ ।

खराब मौसमका कारण यसअघि ईपीएलका केही खेलहरु प्रभावित भएका थिए । हालसम्म भएका खेलको नतिजाअनुसार तीन खेल खेलेके चितवन शतप्रतिशत जितबाट ६ अंक जोडेर पहिलो स्थानमा छ ।

चार खेल खेलेको ललितपुर चौथो, दुई खेल खेलेको काठमाडौं पाँचौ र ४ खेल खेलेको विराटनगर छैटौं स्थानमा रहेको छ । विराटनगरले एक खेल पनि जितेको छैन ।