मोतीपुर क्षेत्रमा लगाइएको कर्फ्यु हट्यो

रुपन्देही । रुपन्देहीको मोतीपुर क्षेत्रमा लगाइएको कर्फ्यु गएरातीबाट हटेको छ । प्रहरीको गोली लागेर ४ जनाको मृत्यु भएपछि आइतबारबाट कर्फ्यु लगाइएको थियो ।

रुपन्देहीका प्रमुख जिल्ला अधिकारी ऋषिराम तिवारीले स्थिति सामान्य भएपछि गएराति १२ बजेदेखि कर्फ्यु हटाइएको जानकारी दिएका छन् ।

आइतबार स्थानीय र प्रहरीबीच भएको झडपमा प्रहरीले गोली चलाउँदा चार जनाको मृत्यु भएको थियो ।

औद्योगिक क्षेत्रको अतिक्रमित जग्गाबाट स्थानीयलाई हटाउन खोज्दा स्थानीयले सुरक्षाकर्मीलाई ढुंगामुढा र पेट्रोल बम प्रहार भएपछि बल प्रयोग गर्नु परेको प्रशासनको दाबी छ ।