मोहम्मद जयन्ती आज, मुस्लिम समुदायलाई सार्वजनिक बिदा

काठमाडौं । आज मोहोम्मद जयन्ती । मुस्लिम समुदायले विभिन्न कार्यक्रमकासाथ मनाउँदैछन् । मन्त्रिपरिषद्को बैठकले मोहम्मद जयन्तीको अवसरमा आज मुस्लिम समुदायलाई सार्वजनिक विदासमेत दिएको छ ।

मोहोम्मद जयन्तीको अवसरमा आज राष्ट्रिय मुस्लिम आयोगलगायतका मुस्लिम संघ संस्थाले विविध कार्यक्रम आयोजना गर्दैछन् ।

इस्लाम धर्मका प्रवर्तक हजरत मोहम्मद सल–अल्लाहो अलैहे वसल्लमको शुभ जन्मोत्सवलाई मुस्लिम धर्मावलम्बीले विशेष दिनको रुपमा मनाउने गरेका छन् ।