रुसमा एकैदिन ३९ हजार भन्दा बढीमा कोरोना संक्रमण

मस्को । रुसमा गएको २४ घन्टामा ३९ हजार जना भन्दा बढी नागरिकमा कोरोना भाइरसको स‌क्रमण देखिएको स्वास्थ्य क्षेत्रका अधिकारीहरुले जानकारी दिएका छन् ।

साथै यो अवधिमा रुसमा एक हजार १७९ जनाको ज्यान गएको छ । यो समेतगरी करिब ८८ लाख मानिसमा यो संक्रमण देखिएको छ ।

त्यसैगरी रुसमा अहिलेसम्म २ लाख ४६ हजार ८१४ जनाको ज्यान गएको पाइएको छ । यहाँ कोरोना भाइरसबाट हुने मृत्युदर करिब २.८१ रहेको पनि समाचारमा जनाइएको छ ।

रुसका स्वास्थ्य अधिकारीहरुले रुसको मस्को सहरमा मात्र पछिल्लो २४ घन्टामा करिब पाँच हजार जनामा सङ्क्रमण देखिएको बताएका छन् । रासस\सिन्ह्वा