५ वटा प्रदेशमा वर्षा : चिसोसँगै तुवालोले भिजिबिलिटी कम, सतर्क रहन अनुराेध

काठमाडाैं । जल तथा माैसम पूर्वानुमान महाशाखाले हाल नेपालमा अरब सागरमा बनेको निम्न चापिय क्षेत्रको आंशिक प्रभाव रहेको जनाएकाे छ अहिले प्रदेश नं १ मा  आंशिकदेखि सामान्य बदली  भई बाँकी प्रदेशहरुमा सामान्यतया बदली रहेको छ ।

आज दिउँसो देशका कर्णाली, लुम्बिनी, गण्डकी प्रदेश र वाग्मती प्रदेशका भू-भागहरू सामान्य बदली रही बाँकी प्रदेशका भू-भागहरू आंशिकदेखी सामान्य बदली रहने माैसम विभागले जनाएकाे छ ।

सुदुरपश्चिम, कर्णाली, लुम्बिनी, गण्डकी प्रदेश र वाग्मती प्रदेशका एक/दुई स्थानमा हल्का वर्षाको सम्भावना छ । वाग्मती प्रदेश, गण्डकी प्रदेश र कर्णाली प्रदेशको उच्च पहाडी तथा हिमाली भू-भागका थोरै स्थानहरुमा  र बाँकी प्रदेशको उच्च पहाडी तथा हिमाली भू-भागका एक-दुई स्थानहरुमा हल्का हिमपातको सम्भावान रहेको छ ।

आज राती देशका सुदुरपश्चिम, कर्णाली, लुम्बिनी, गण्डकी प्रदेश र वाग्मती प्रदेशका भू-भागहरू सामान्य बदली रही बाँकी प्रदेशका भू-भागहरू आंशिक सामान्य बदली रहने छ ।

सुदुरपश्चिम, कर्णाली, लुम्बिनी, गण्डकी प्रदेश र वाग्मती प्रदेशका एक/दुई स्थानमा हल्का वर्षाकाे सम्भावना छ । देशका उच्च पहाडी तथा हिमाली भू-भागका थोरै स्थानहरुमा हल्कादेखि मध्यम हिमपातको सम्भावान रहेको छ । 

देशका उच्च पहाडी तथा हिमाली भू-भागका थोरै स्थानहरुमा हल्कादेखि मध्यम हिमपातको सम्भावान रहेकाले देशका अधिकांश भू-भागहरुमा वदली भै चिसो बढ्ने क्रममा रहेको र तुवालोको कारणले पारदर्शितमा समेत कमी आउन सक्ने माैसम विभागले जनाएकाे छ ।

जल तथा माैसम पूर्वानुमान महाशाखाले सडक तथा हवाइ यातायत क्षेत्रमा समेत सामान्य प्रभाव पर्ने हुनाले आवश्यक सतर्कता अपनाउन अनुरोध गरेकाे छ ।