अफगानिस्तानको कुश क्षेत्रमा भूकम्प !

काबुल । अफगानिस्तानको भूकम्प विज्ञान राष्ट्रिय केन्द्रका अनुसार अफगानिस्तानको हिन्द कुश क्षेत्रमा ४.३ रेक्टर स्केलको भूकम्प गएको छ । समाचार तयार गरुन्जेल यो भूकम्पबाट जिउधनको क्षतिको विवरण आइसकेको छैन ।

यसअघि ७ अक्टोबरमा राजधानी काबुलमा भूकम्पको झटका महसुस गरिएको थियो । काबुलको उत्तर-पूर्व इलाकालाई केन्द्र बनाएर गएको उक्त भूकम्प ४.२ रेक्टरको थियो ।

गएको १७ अगस्तमा पनि अफगानिस्तानमा ४.५ रेक्टर स्केलको भूकम्प गएको थियो । ती भूकम्पबाट धनमालको नोक्सानी भने भएन ।