अपडेट : भारतीय हेलिकोप्टर दुर्घटनामा ज्यान जानेको संख्या ७ पुग्यो

काठमाडौं । भारतको तमिलनाडुमा आज (बुधबार) दिउँसो भारतीय पूर्वसेना प्रमुख (सीडीएस) विपिन रावत सवार हेलिकोप्टर दुर्घटना हुँदा मृत्यु हुनेको संख्या सात पुगेको छ । हेलिकोप्टरबाट तीन जनालाई उद्धार गरिएको छ । तीमध्ये दुई जनाको अवस्था सिकिस्त रहेको द टाइम्स अफ इन्डियाले जनाएको छ ।

हेलिकोप्टरमा पूर्वसेना प्रमुख (सीडीएस) विपिन रावत, अन्य सैनिक अधिकारी र सैनिक अधिकारीका परिवारका सदस्यहरु सवार थिए । दुर्घटना तमिलनाडुको निलगिरि जिल्लाको उँटीमा भन्ने ठाउँमा भएको हो ।

हेलिकोप्टरमा १४ जना सवार थिए । हेलिकोप्टरमा सवार सबै एक कार्यक्रममा सहभागी हुन गइरहेका थिए ।