एकैदिन ३,५५३ जनामा संक्रमण पुष्टि, २७१ जना डिस्चार्ज

काठमाडौं । नेपालमा पछिल्लो चौबीस घण्टामा थप ३ हजार ५५३ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको १० हजार ४९८ जनाको पीसीआर परीक्षणमा २९२२ र ४ हजार ५८३ जनाको एन्टिजेन विधिबाट गरिएको परीक्षणमा ६३१ जना गरि कुल ३ हजार ५५३ जनामा कोरोना पुष्टि भएको हो । नेपालमा सक्रिय संक्रमितको संख्या १४ हजार ३४० पुगेको छ ।

त्यस्तै, गत चौबीस घण्टामा १ कोरोना संक्रमितको मृत्यु भएको छ। योसँगै नेपालमा कोरोना संक्रमणका कारण मृत्यु हुनेको कुल संख्या ११ हजार ६१० पुगेको छ ।

त्यस्तै, गत चौबीस घण्टामा मुलुकका विभिन्न अस्पतालबाट २७१ जना कोरोना संक्रमणमुक्त भएको मन्त्रालयले जानकारी दिएको छ । योसँगै नेपालमा कोरोना संक्रमण मुक्त भइ डिस्चार्ज हुनेको कुल संख्या ८ लाख १५ हजार ३४७ पुगेको छ । स्वास्थ्य मन्त्रालयका अनुसार निको हुने दर ९६ दशमलव ९ रहेको छ ।

त्यस्तै, गत चौबीस घण्टामा देशभर थप ३ लाख ५६ हजार ४ जनाले कोरोना भाइरसविरुद्धको खोप लगाएका छन् ।