कांग्रसले चुनावी प्रचारलाई काठमाडाैंमा तीव्र बनायो (फोटो फिचर)

काठमाडाैं । ‘घर-घर जाऔं, कांग्रेस जिताऔं’ अभियानलाई नेपाली कांग्रेसले तीव्रता दिएको छ । आज काठमाडाैंको प्रतिनिधिसभा क्षेत्रीय कार्यसमितिले एक कार्यक्रमको आयोजना गर्दै ‘घर-घर जाऔं, कांग्रेस जिताऔं’ अभियानलाई तीव्र बनाउन नेता-कार्यकर्तालाई आग्रह गरेको छ ।

काठमाडाैंको प्रतिनिधिसभा क्षेत्र नं ६ का सभापति श्याम खड्गीको सभापतित्वमा कार्यक्रम भएको थियो । खड्गीले अब आउने स्थानीय निर्वाचनमा कांग्रस बलियो रहेको सन्देश दिन आवश्यक रहेको बताए । उनले अब कांग्रेसलाई पहिलो पार्टी बन्नबाट कसैले रोक्न नसक्ने दाबी गरे ।

यस्तै कार्यक्रमका प्रमुख अतिथि केन्द्रिय प्रतिनिधि सांसद मोहनबहादुर बस्नेतले कांग्रसको जित निश्चित रहेको दाबी गरे । उनले जनताले कम्युनिस्टलाई विश्वास गरेको तर कम्युनिस्टले जनतालाई धोका दिएको दाबी गरे । उनले कांग्रेलाई जिताएर लोकतन्त्रको रक्षा गर्न पनि आग्रह गरे । कम्युनिस्टलाई दुईतिहाइ मत दिँदा पनि केही गर्न नसकेको बस्नेतको दाबी छ । उनले पार्टीका नेता-कार्यकर्ता एक भएर चुनावमा कांग्रेसको उपस्थितिलाई बलियो बनाउनुपर्नेमा जोड दिए ।

कार्यक्रममा कांग्रेका नेता भीमसेनदास प्रधान, काठमाडाैं महानगरकी उपप्रमुख हरिप्रभा खड्गी, अम्बिका शर्मा लामिछाने लगायतको उपस्थिति रहेको थियो ।