बालेन र स्थापितबीच जम्काभेट, एक-अर्कालाई अंकमाल गर्दै शुभकामना

काठमाडौं । मतदाता घर दैलो कार्यक्रममा रहेका काठमाडौं महानगरमा एमालेका मेयर उम्मेद्‍वार केशव स्थापित र स्वतन्त्र उम्मेदवार बालेन शाहबीच जम्काभेट भएको छ । वैशाख ३० गते हुन लागेको स्थानीय तहको चुनावका लागि प्रचारप्रसारका क्रममा आज विहान सिनामंगलमा उनीहरुको भेट भएको हो ।

मेयर उम्मेद्‍वार स्थापित र अत्यधिक चर्चामा रहेका स्वतन्त्र उम्मेदवार शाह सिनामंगलमा घरदैलो गर्ने क्रममा आपसमा ठोक्किन पुगेका थिए । स्थापित र उपमेयर उम्मेद्‍वार सुनिता डंगोलसहितको जुलुस र बालेनको जुलुसको भेटपछि स्थापित र बालेनले एक-अर्कालाई अंकमाल गर्दै शुभकामना दिएका थिए ।