भरतपुरमा रेणु र विजयबीच कडा प्रतिस्पर्धा, १४ मतमात्र बढी

काठमाडौं । भरतपुर महानगरपालिकाको मतगणना जारी रहेको छ। आइतबार साँझ ६ बजेको मतगणनाअनुसार साढे ६ हजार ४७७ मत गन्दा मेयरका उम्मेदवार माओवादी केन्द्रकी रेणु दाहालले २३१७ मत प्राप्त गरेकी छन् ।

भरतपुरमा र‍ेणुले अग्रता कायमै राखेकी हुन् । उनको र एमालेका विजय सुवेदीबीच कडा प्रतिस्पर्धा भइरहेको छ । पछिल्लो मतरिणामअनुसार गठबन्धनबाट मेयर पदकी उम्मेदवार नेकपा माओवादी केन्द्रकी रेणु दाहाल १४ भोटले अग्रस्थानमा छिन् । दाहालले २३१७ मत प्राप्त गरेकी छन् भने नेकपा एमालेका सुवेदीले २३०३ मत प्राप्त गरेका छन् ।

उपमेयरमा कांग्रेसका चित्रसेन अधिकारीले अन्तर बढाएका छन् । अधिकारीले राप्रपाकी हिमला गुरुङसँगको अन्तरभने बढाउँदै लगेका छन् । उनीहरुको मतान्तर ७ सयभन्दा बढी छ ।

यस्तै स्वतन्त्र उम्मेदवारी दिएका जगन्नाथ खतिवडाले ७६१ मत पाएका छन् ।