जनकपुरको मेयरमा स्वतन्त्र उम्मेद्वार मनोजकुमारको अग्रता कायमै, एमालेका शिवशंकर पछिपछि

जनकपुर । जनकपुर उपमहानगरको मेयरमा स्वतन्त्र उम्मेद्वार मनोजकुमार साह सुडी अग्रस्थानमा रहेका छन् । यो समाचार तयार पार्दा उनले ९,७७४ मत प्राप्त गरेका छन् । सुडीलाई एमालेका शिवशंकर साहले पछ्याइरहेका छन् । साहले ७,६०४ मत प्राप्त गरेका छन् ।

यस्तै मेयर पदमा लोसपाका मनोज चौधरीले ३,९५८ मत प्राप्त गर्दा स्वतन्त्र उम्मेद्वार बलराम महतोले ३,०८५ मत प्राप्त गरेका छन् । जनता समाजवादी पार्टीका लालकिशोर साहले ३,३६१ मत प्राप्त गरेका छन् ।

उपमेयरमा नेपाली कांग्रेसका किशोरी साह १०,९९५ मत प्राप्त गर्दै अग्रस्थानमा छन् । एमालेकी रुणादेवी झाले ८,६६१ मत ल्याएकी छन् भने लोकतान्त्रिक समाजवादी पार्टीकी रीताकुमारी मिश्रले ४,०९३ मत ल्याएकी छन् । स्वतन्त्र उम्मेद्वार निर्मलकुमार चौधरीले २,९०४ मत प्राप्त गरेका छन् ।