२९ जनामा कोरोना, १७ जना डिस्चार्ज

काठमाडौं । नेपालमा गत चौबीस घण्टामा जम्मा २९ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट १ हजार ७७ जनाको पीसीआर विधिबाट परीक्षण गर्दा २१ जनामा संक्रमण पुष्टि भएको छ ।

यस्तै ६५३ जनाको एन्टीजेन विधिबाट परीक्षण गर्दा ८ जनामा कोरोना संक्रमण देखिएको छ । नेपालमा हाल १९२ जना सक्रिय संक्रमित छन् ।

त्यस्तै, गत चौबीस घण्टामा थप १७ जना कोरोना भाइरस संक्रमण मुक्त भई डिस्चार्ज भएका छन् । योसँगै नेपालमा कोरोना संक्रमण मुक्त भई डिस्चार्ज हुनेको संख्या ९ लाख ६७ हजार ३८९ जना पुगेको मन्त्रालयले जनाएको छ । नेपालमा संक्रमण मुक्त हुनेदर ९८ दशमलव ८ प्रतिशत छ ।

त्यस्तै, गत चौबीस घण्टामा थप ५७ हजार ७२४ जनाले कोरोना भाइरसविरुद्धको खोप लगाएका छन् ।