पछिल्लो चौबीस घण्टामा १५ संक्रमित, ३० जना निको

काठमाडौं । पछिल्लो चौबीस घण्टामा नेपालभर १५ संक्रमित थपिएका छन् । स्वास्थ्य तथा जनसंख्या मन्त्रालयका अनुसार आज संक्रमणबाट शून्य जनाको मृत्यु भएको छ ।

मन्त्रालयका अनुसार १ हजार ९८५ जनाको नमुना परीक्षण गर्दा १५ जनामा कोरोना संक्रमण देखिएको हो ।

७६४ जनाको पीसीआर परीक्षण गर्दा १४ जनामा र १ हजार २२१ सय जनाको एन्टिजेन परीक्षण गर्दा ०१ जनामा कोरोना संक्रमण पुष्टि भएको मन्त्रालयले नियमित बुलेटिनमार्फत जनाएको हो ।

मन्त्रालयका अनुसार पछिल्लो चौबीस घण्टामा ३० कोरोना संक्रमित निको भएका छन् । नेपालभर अहिले सक्रिय कोरोना संक्रमितको संख्या भने ५१४ पुगेको छ ।