सर्वाधिक म्यान अफ द म्याच अवार्ड प्राप्त गर्ने शीर्ष ५ खेलाडी

काठमाडौं । फिफा विश्वकप- २०२२ एकदमै रोमाञ्चक मोडमा पुगेको छ । धेरै खेलाडीहरूले विश्वको यो सबैभन्दा ठूलो प्रतियोगितामा लगातार आफ्नो बर्चस्व कायम राखेका छन् भने धेरै ठूला टिमहरू प्रतियोगिता बाट बाहिरिदा केही खेलाडीले लगातार उत्कृष्ट प्रदर्शन गरे र म्यान अफ द म्याचको पुरस्कार जिते । फुटबलमा खेलको म्यान अफ द म्याच पुरस्कार सामान्यतया महत्वपूर्ण गोल गर्ने वा समग्र खेल जिताउन प्रत्यक्ष योगदान पुर्याउने खेलाडीलाई प्रदान गरिन्छ । फिफा विश्वकप -२०२२ मा सर्वाधिक म्यान अफ द म्याच अवार्ड प्राप्त गर्ने शीर्ष ५ खेलाडी :

यासिन ब्रुनो : समूह एफ मा बेल्जियम, क्रोएसिया र क्यानाडासँगै मोरक्को पनि थियो । बेल्जियम र क्रोएसिया सँग तुलना गर्दै धेरैले मोरक्को तालिकाको अन्तिम स्थानमा रहने अनुमान गरेका थिए । मोरक्कोले समुहका सम्पूर्ण खेल मात्र जितेन सेमिफाइनल खेलेर समग्र प्रतियोगितामा चौथो स्थान नै हासिल गर्यो । सेमिफाइनलसम्मको ऐतिहासिक दौडमा, उसले समूह चरणमा बेल्जियम , राउन्ड अफ १६ मा स्पेन तथा क्वार्टरफाइनलमा पोर्चुगललाई हराएको थियो।

मोरक्कोको यो जितको प्रमुख कारण गोलकिपर यासिन ब्रुनो पनि हुन । मोरक्कोका यी अचल गोलकिपरले प्रतियोगिताभर उत्कृष्ट खेल देखाए । स्पेन विरुद्ध उनको शानदार प्रदर्शनले उनलाई म्यान अफ द म्याचको अवार्ड दिलायो। ब्रुनोले खेलको १२० मिनेटमा धेरै बचाउ गर्दै स्पेनलाई बराबरिमा रोके । यसबाहेक स्पेनविरुद्धको पेनाल्टी सुटआउटमा पनि उनले दुईवटा बचाउ गरेका थिए । फ्रान्सले मोरक्कोलाई हराउनु अघि यी अन्डरडगहरूले एक गोल मात्र खाएका थिए । ब्रुनोले पोर्चुगलविरुद्धको खेलमा दोस्रो म्यान अफ द म्याचको अवार्ड पनि जिते ।

डोमिनिक लिभकोभिच : फिफा विश्वकप -२०२२ का उत्कृष्ट डिफेन्डर । पेनाल्टी सुटआउटमा क्रोएसिया अजेय हुनुको मुख्य कारण लिभकोभिच नै हुन् । लिभकोभिचले राउन्ड अफ १६ को पेनाल्टी सुटआउटमा जापानविरुद्ध तीनवटा बचाउ गरेका थिए। डोमिनिकले ब्राजिल बिरुद्ध पनि पेनाल्टी बचाए । ब्राजिलको पहिलो पेनाल्टी रोड्रिगो गोजले गोलमा परिणत गर्न सकेनन् र यसलाई लिभाकोभिकले चलाखीपूर्वक बचाए । यसले ब्राजिललाई हरायो भने क्रोएसियालाई अगाडि बढायो। लिभकोभिकले जापान र ब्राजिल विरुद्धको प्रदर्शनका लागि दुईवटा म्यान अफ द म्याच अवार्ड जिते ।

लुका मोड्रिक : लुका मोड्रिक अर्का क्रोएसियाली । यी ३७ वर्षीय मिडफिल्डर सन् २०२२ को फिफा विश्वकपका उत्कृष्ट मिडफिल्डरमध्ये एक हुन् । लुका मोड्रिचले फिफा विश्वकप-२०२२ मा तीन पटक म्यान अफ द म्याचको अवार्ड जिते । मोड्रिचले बेल्जियमविरुद्धको समूह चरणको खेलमा पहिलो पटक म्यान अफ द म्याचको उपाधि जितेका थिए ।

गोलरहित उक्त खेलमा मोड्रिचले आक्रमणमा उत्कृष्ट अवसर सृजना गर्दै रक्षात्मक अनुशासन कायम राख्न सफल भएकाले अवार्ड जितेका थिए । मोरक्को विरुद्धको अर्को गोलरहित खेलमा पनि रियल म्याड्रिडका यी स्टार खेलाडी म्यान अफ द म्याच घोषित भए । समग्रमा, लुका मोड्रिचले फिफा विश्वकप- २०२२ मा दुईवटा म्यान अफ द म्याच अवार्ड जिते । उनि फुटबलको आधुनिक युगको सबैभन्दा अन्डररेट गरिएका मिडफिल्डरहरू मध्ये एक हुन ।

किलियन एमबाप्पे : यी सुपरस्टारले फुटबलरहरूको अर्को पुस्ताको नेतृत्व गरिरहेका छन्। यस हिसाबमा अघि बढदै गए उनले धेरै महान फुटबलरहरूको रेकर्ड तोडनेछन । यो विश्वकपमा फ्रान्सले समूह चरणको खेलमा अस्ट्रेलियासँग रक्षात्मक सुरुवात गरेको थियो । केलियन एमबाप्पेको उत्कृष्ट प्रदर्शनमा फ्रान्सले अष्ट्रेलियालाई ४-१ ले हरायो जसमा यी युवा खेलाडीले गोल गर्नुका साथै असिस्ट पनि गरेका थिए । एमबाप्पे समूह चरणमा डेनमार्क विरुद्ध फेरि देखा परे । दोस्रो हाफमा केलियनले दुई गोल गरे र फ्रान्स राउन्ड अफ १६ मा पुग्यो। एमबाप्पेले राउन्ड अफ १६ मा पोल्याण्डविरुद्ध दुई गोल गरेका थिए । केलियन एमबाप्पे फिफा विश्वकप- २०२२ मा सर्वाधिक गोल गर्ने खेलाडी पनि बन्न सक्छन् । समग्रमा केलियनले फिफा विश्वकप-२०२२ मा तीनवटा म्यान अफ द म्याचको अवार्ड जितेका छन् ।

लियोनेल मेस्सी : अर्जेन्टिनाका नायक लियोनल मेस्सीले नै अर्जेन्टिनाका लागि फिफा विश्वकप -२०२२ को फाइनलमा पुग्ने बाटो खुला गरेका हुन् । लियोनल मेस्सी फुटबल इतिहासमा सबैभन्दा धेरै म्यान अफ द म्याच अवार्ड जित्ने खेलाडीको शीर्ष स्थानमा छन्। यसबाहेक, मेस्सी फिफा विश्वकप- २०२२ मा चार्टको पनि शीर्ष स्थानमा छन्। मेस्सीले फिफा विश्वकप- २०२२ मा गोल्डेन बुट पनि जित्न सक्छन् । मेस्सीले फिफा विश्वकप-२०२२ मा चारवटा म्यान अफ द म्याच अवार्ड जितेका छन् ।

क्रोएसियाविरुद्धको खेलमा लियोनल मेस्सीले उत्कृष्ट प्रदर्शन गरेका थिए । मेस्सीले सेमिफाइनलमा क्रोएसियाविरुद्ध एक गोल गर्नुका साथै अर्को गोलका लागि अबिस्मरणिय तथा विश्वस्तरीय सहयोग प्रदान गरेका थिए ।