आहा ! रारा गोल्डकपमा एपीएफ र संकटा भिड्दै
नेपालखोज
२०७९ पुष २० गते ८:३८
पोखरा । २२ औं संस्करणको आहा ! रारा पोखरा गोल्डकप फुटबलको पहिलो सेमिफाइनलमा बुधबार विभागीय टोली एपीएफ क्लब र संकटा फुटबल क्लबबीच प्रतिस्पर्धा हुँदैछ ।
पोखरा रंगशालामा साविक विजेता एपीएफ र संकटाबीच प्रतिस्पर्धा हुनेछ । एपीएफ र संकटाबीचको खेल दिउँसो २ बजे सुरु हुनेछ । एपीएफले धरान फुटबल क्लबलाई हराएर सेमिफाइनलको यात्रा तय गरेको हो भने संकटाले विभागीय टोली त्रिभुवन आर्मी फुटबल क्लबलाई हराएको थियो ।
हिमश्री फुड्स प्रा. लि. को उत्पादन आहा तथा रारा तयारी चाउचाउको मुख्य प्रायोजनमा जारी प्रतियोगितामा १० टोलीको सहभागिता रहेको छ ।
प्रतियोगिताको विजेताले १२ लाख र उपविजेताले ६ लाख पाउने छन् । यस्तै विधागततर्फ उत्कृष्ट पाँचले जनही २५ हजार, सर्वाधिक गोलकर्ताले २५ हजार र म्यान अफ द म्याचले ८ हजार पाउनेछन् ।
सम्बन्धित
प्रतिक्रिया