आहा ! रारा गोल्डकपमा आज चर्च ब्वाइज र भुटनिज युथ भिड्ने

काठमाडौं । आहा ! रारा गोल्डकप फुटबलमा आज चर्च ब्वाइज युनाईटेड र भुटनीज युथ सकर क्लब भिड्दैछन् ।

पोखरा रंगशालामा हुने दोस्रो सेमिफाइनल खेल दिउँसो साढे १ बजे सुरू हुने आयोजक सहारा क्लब पोखराले जनाएको छ ।

ए डिभिजनको चर्च ब्वाइज र अमेरिकाको भुटनिज युथ बिहीबारको खेल जित्दै प्रतियोगिताको फाइनल पुग्ने योजनामा हुनेछन् । विजेताले उपाधिका लागि संकटा क्लबसँग फाइनल खेल खेल्नेछ ।

फाइनल खेल शनिबार हुनेछ । विजेताले १२ लाख र उपविजेताले ६ लाख पाउने छन् ।

यस्तै विधागततर्फ उत्कृष्ट पाँचले जनही २५ हजार, सर्वाधिक गोलकर्ताले २५ हजार र म्यान अफ द म्याचले ८ हजार पाउने छन् ।