१०० भागपछि रोकियो ‘सक्किगो नि’, आखिर किन ?

काठमाण्डौं । सोलुखुम्बुको पत्ताले पुगेर १०० भागको सेलिब्रेसन गरेको हाँस्य टेलिशृंखला ‘सक्किगो नि’ को प्रसारण रोकिएको छ ।

हिमालय टेलिभिजन सँगको सम्झौता सकिएकाले ‘सक्किगो नि’ प्रसारण राकिएको कलाकार तथा निर्देशक अर्जुन घिमिरे (पाँडे)ले जानकारी दिए ।

उनले भने, ‘‘हिमालय टेलिभिजनसँग हाम्रो सम्झौता सकिएपछि नयाँ टेलिभिजनको लागि छलफल गरिरहेका छौं । एक दुई हप्तापछि कुन टेलिभिजनमा प्रसारण हुने भनेर टुंगो लाग्छ ।’ त्यसपछि नियमित प्रसारणमा आउने उनले बताए ।

‘सक्किगो नि’ २०७७ मंसिर २५ गतेदेखि हिमालय टेलिभिजनबाट प्रसारण हुँदै आएको थियो । आगामी कार्यक्रम सिजन ३ को रुपमा परिमार्जन सहित ल्याउने निर्माण टिमले जनाएको छ ।