ज्ञानेन्द्र र मिश्र भेट : राजसंस्था अपरिहार्य भएको निष्कर्ष

काठमाडौं । राप्रपा वरिष्ठ उपाध्यक्ष रवीन्द्र मिश्रले पूर्वराजा ज्ञानेन्द्र शाहसँग भेटवार्ता गरेका छन् ।

बिहीबार सामाजिक सञ्जाल फेसबुकमा लामो स्टाटस लेख्दै मिश्रले पूर्वराजासँगको तस्बिर पनि सेयर गरेका छन् ।

पूर्वराजा शाहसँग आफ्नो १५ वर्षपछि भेट भएको मिश्रले खुलाए । पूर्वराजासँग आफ्नो डेढ घन्टा लामो कुराकानी भएको थियो ।

उनले पूर्वराजासँग सौहार्दपूर्ण कुराकानी र छलफल भएको जनाउँदै बढ्दो भूराजनीतिक र आन्तरिक संवेदनशीलताबीच नेपालमा राजसंस्था अपरिहार्य भएको निष्कर्ष निकालिएको पनि उल्लेख गरे ।