सुदूरपश्चिमका मुख्यमन्त्री रावलको शपथ आज

काठमाण्डौं । बुधबार सुदूरपश्चिम प्रदेशको मुख्यमन्त्रीमा नियुक्त भएका राजेन्द्र रावलले आज पद तथा गोपनीयताको शपथ ग्रहण गर्ने कार्यक्रम तय भएको छ ।

आज अपराहन्न ४ बजे शपथ ग्रहण कार्यक्रम तय भएको प्रदेश प्रमुख कार्यालयले जनाएको छ ।

नवनियुक्त मुख्यमन्त्री रावललाई प्रदेश प्रमुख देवराज जोशीले शपथ ग्रहण गराउने छन् । २९ जना प्रदेश सभा सदस्यहरूको समर्थनमा प्रदेश प्रमुख जोशीले हिजै मुख्यमन्त्रीमा रावललाई नियुक्त गरेका थिए ।