यी कामले सबैभन्दा धेरै दुखी तुुल्याउँछ

काठमाडाैं । हार्वर्ड युनिभर्सिटीमा ८५ वर्ष लामो अध्ययनपछि वैज्ञानिकहरूले कुन प्रकारको कामबाट मानिस सबैभन्दा बढी दुखी हुन्छन् र खुसी हुनुको रहस्य के हो भन्ने कुरा बताएका छन् । विश्वभरका सात सय भन्दा बढी व्यक्तिको आठ दशकको अध्ययनपछि विज्ञहरू आइसोलेसनमा काम गर्नेहरू सबैभन्दा दुखी हुने निष्कर्षमा पुगेका छन् । यो अध्ययन १९३८ मा सुरु गरिएको थियो ।

अध्ययन रिपोर्ट अनुसार जसको पेसामा अन्य व्यक्तिसँग कम अन्तरक्रिया वा सम्पर्क हुन्छ, उनीहरु आफ्नो काममा सबैभन्दा बढी दुखी हुन्छन् अर्थात्, जुन पेशामा अन्य व्यक्तिहरूसँग अर्थपूर्ण सम्बन्ध निर्माण गर्ने मौका छैन वा मानिसहरू आफ्ना सहकर्मीहरूसँग राम्रो सम्बन्ध कायम गर्न असमर्थ हुन्छन् त्यस्ता व्यक्तिहरू दुखी हुने सम्भावना बढी हुन्छ । अध्ययनको निस्कर्स भन्छ ( सुखी, स्वस्थ र लामो जीवनको रहस्य पैसा, व्यवसायिक सफलता , व्यायाम वा स्वस्थ खाना होइन । यो अध्ययन अनुसार सकारात्मक सम्बन्धले मानिसलाई खुसी बनाउँछ ।

एकांकि पेशा

हार्वर्ड मेडिकल स्कूलका मनोविज्ञान विभागका प्रमुख डा। रोबर्ट वाल्डिङरले सीएनबीसीलाई दिएको एक अन्तर्वार्तामा भनेका छन , यदि हामी बढि भन्दा बढि मानिस सँग जोडिन्छौं भने आफ्नो काममा पनि संतुष्टि अनुभव गर्न सक्छौ अनि काममा राम्रो परिणाम दिन सक्छौ । यो एउटा अहम मानवीय आवश्यकता पनि हो । अध्ययनले कार्यस्थलमा एक्लोपनका बारेमा पनि कुरा गर्छ जहाँ मानिसहरू प्रायः एक्लै काम गर्छन । यस्ता पेशामा मुख्यतया ट्रक चालक , राति काम गर्ने सुरक्षाकर्मी आदि पर्दछन्। रिपोर्टमा भनिएको छ ( यी व्यक्तिहरू स्वतन्त्र रूपमा काम गर्छन् । यस्ता व्यक्तिहरूले अन्य व्यक्ति वा सहकर्मीहरूसँग थोरै मात्र भेटघाट वा कुराकानि गर्न पाउँछन् । प्याकेज वा खाना वितरण जस्ता प्रविधि ( आधारित वा एप ( आधारित उद्योगहरूमा मानिसहरू अक्सर एक्लै काम गर्छन् र सहकर्मीहरूसँग थोरै मात्र अन्तरक्रिया गर्न पाउँछन् । अनलाइन रिटेल पनि एउटा यस्तो पेशा हो जसमा मानिसहरू ठूलो गोदाममा काम गर्छन् तर अक्सर एकअर्कालाई चिन्दैनन् । यी सबै पेशेवरहरूलाई सबैभन्दा एक्लो मानिसका रूपमा वर्णन गरिएको छ ।

संचार आवश्यक छ

वाल्डिङगर भन्छन्, ‘स्वतन्त्र रूपमा काम गर्न वा अन्य व्यक्तिहरूसँग अन्तरक्रिया नगरी राति एक्लै काम गर्नुपर्ने पेशाका मानिसहरू एक्लो हुन्छन् ।’ प्रतिवेदनले के पनि औंल्याएको छ भने अन्य पेशामा काम गर्ने व्यक्तिहरू आफ्ना सहकर्मीहरूसँग अर्थपूर्ण कुराकानी गर्न असमर्थ हुँदा पनि एक्लो महसुस गर्न सक्छन् । त्यसैले काममा मानिसहरुसँग भेटघाट तथा कुराकानि गर्नु मानसिक स्वास्थ्यका लागि राम्रो हुने अध्ययनले देखाएको छ । कामका क्रममा आपसी अन्तरक्रियाका स ( साना अवसरले पनि कर्मचारीहरुलाई ताजा राख्न मदत गर्ने र एक्लोपन तथा असन्तुष्टि जस्ता भावनाबाट बाहिर निस्कन सहयोग पुर्याउने अनुसन्धानकर्ताहरू बताउँछन् ।