रवि, स्वर्णिम र उपेन्द्रले आज शपथ लिने

काठमाडौं । वैशाख १० गते सम्पन्न उपनिर्वाचनमा निर्वाचित तीन सांसदले आज पद तथा गोपनियताको सपथ लिने भएका छन् ।

राष्ट्रिय स्वतन्त्र पार्टीबाट निर्वाचित सांसद रवि लामिछाने र स्वर्णिम वाग्ले तथा जनता समाजवादी पार्टीबाट निर्वाचित उपेन्द्र यादवले आज सांसद पदको शपथ लिने भएका हुन्।

लामिछाने चितवन २, वाग्ले तनहुँ १ र यादव बारा २ मा निर्वाचित भएका हुन्।

सभामुख देवराज घिमिरेले आजै ११.३० बजे उनीहरुलाई सिंहदरबार स्थित संसद सचिवालयमा शपथ खुवाउन लागेका हुन्।

प्रतिनिधि सभा बैठकमा भाग लिनु अघि सांसदले शपथ ग्रहण गर्नुपर्ने व्यवस्था छ।