४७ लाख भन्दा बढी ह्वाटसएप एकाउण्टमाथि प्रतिबन्ध

काठमाडौं । मेटाको स्वामित्वमा रहेको ह्वाटसएपले सोमबार आफ्नो ‘प्रयोगकर्ता सुरक्षा रिपोर्ट‘ जारी गर्दै भारतका ४७ लाख भन्दा बढी फेक एकाउण्टहरुलाई प्रतिबन्ध लगाएको जनाएको छ । ह्वाट्सएपले सोमबार निकालेको आफ्नो ‘प्रयोगकर्ता सुरक्षा प्रतिवेदन’मा प्रयोगकर्ताको गुनासो र ह्यान्डल दुरुपयोगको कारण मार्च महिनामा ४७ लाख भन्दा बढी खाताहरू प्रतिबन्ध लगाईएको बताएको हो ।

नयाँ आईटी नियम अन्तर्गत प्रयोगकर्ताहरूको सुरक्षालाई ध्यानमा राख्दै व्हाट्सएपले यी खाताहरूमा प्रतिबन्ध लगाएको बताएको छ । जसका कारण आईटी ऐन अन्तर्गत ५० लाखभन्दा बढी प्रयोगकर्ता भएका प्रत्येक सामाजिक सञ्जाल प्लेटफर्मले आईटी मन्त्रालयमा प्रयोगकर्ता सुरक्षा रिपोर्ट बुझाउनुपर्ने हुन्छ । जसमा यो कम्पनीले सरकारलाई आइटी नियम अन्तर्गत ह्वाट्सएपको नीति उल्लङ्घन गरेको कारण ४७ लाख भन्दा बढी भारतीय खाताहरू प्रतिबन्धित गरिएको बताएको छ ।

व्हाट्सएपले विगतमा आफ्नो प्रयोगकर्ता नीतिमा धेरै महत्त्वपूर्ण परिवर्तनहरू गर्दै आएको छ। यससँगै मेटाले एपको बारेमा धेरै अपडेटहरू पनि ल्याएको छ, जसले एपलाई थप प्रयोगकर्ता मैत्री बनाउन मद्दत गरेको छ ।

यी सबै बाहेक, व्हाट्सएपमा प्रयोगकर्ता सुरक्षा कभर पनि बलियो बनाइएको थियो। व्हाट्सएपको परिवर्तन गरिएको नीति अन्तर्गत, मेटाको नीतिहरू उल्लङ्घन गरेको कारण धेरै व्हाट्सएप प्रयोगकर्ताहरूलाई आफ्नो खाता बन्द गरेर एपको सेवाहरूबाट प्रतिबन्ध लगाइएको थियो ।

हालै मेटाको स्वामित्वमा रहेको इन्स्ट्यान्ट मेसेजिङ एप व्हाट्सएपमा एउटा महत्त्वपूर्ण र नयाँ अपडेट आएको छ । अब एपको नयाँ फिचरको सहयोगमा एउटै ह्वाट्सएप अकाउन्ट एकैसाथ चारवटा डिभाइसमा प्रयोग गर्न सकिने छ । मेटाका सीईओ मार्क जुकरबर्गले नै यसको घोषणा गरेका छन् । मेटाका सीईओले फेसबुकमा लेखेका छन् कि व्हाट्सएप अब अधिकतम चार फोनमा एकल व्हाट्सएप खातामा लग इन गर्न सकिन्छ। – GNB / INS