पुटिनका आमाबुवाको चिहान अपवित्र गरेको अभियोगमा एक महिलालाई दुई वर्षको जेल सजाय

रुसको एक अदालतले सेन्ट पिटर्सबर्गकी एक महिलालाई दुई वर्षको जेल सजाय सुनाएको छ । अदालतले उनलाई अक्टोबरमा राष्ट्रपति भ्लादिमिर पुटिनका आमाबुवाको चिहान अपवित्र गरेको अभियोगमा दोषी ठहर गरेको थियो ।

इरिना सिबानेभा नामकी यी महिलाले पुटिनका आमाबुवाको चिहान नजिक एउटा नोट छोडेकी थिइन् । यो नोटमा लेखिएको थियो–तिमीले राक्षस र हत्यारालाई ल्यायाैँ । अदालतले फैसलामा इरिनाले राजनीतिक घृणाका कारण यो सबै गरेको बताएको छ ।

सरकारी वकिलले ती महिलालाई ३ वर्ष जेल सजायको माग गरेका थिए । उनले इरिनाले पुटिनको परिवारलाई षड्यन्त्रको एक हिस्साका रूपमा अपमान गरेको बताएका थिए । नोटमा, महिलाले पुटिनका आमाबाबुलाई पागलको आमाबाबुको रूपमा वर्णन गरे ।

उनले यो पनि लेखेका छन्, ‘पुटिनले संसारका लागि समस्या सृजना गरिरहनुभएको छ, उहाँलाई तपाईंकहाँ बोलाउनुहोस् । सारा विश्वले पुटिनको मृत्यु होस् भन्ने प्रार्थना गरिरहेको छ ।’

महिलाले अदालतमा आफ्नो पक्ष प्रस्तुत गरिन् । उनले भनिन्, ‘युद्धको खबर देखेपछि म डराएको थिएँ । मेरो डर यति बढेको थियो कि मैले यसलाई रोक्न सकिन । अब त्यो नोट कहिले र के लेखेको थियो त्यो पनि याद छैन ।

इरिनाले थप भनिन्, ’मलाई माफ गर्नुहोस्, मलाई मेरो यो कार्यले कसैलाई यति धेरै चोट पुग्छ भन्ने कल्पना पनि थिएन। ती महिलाले अदालतलाई भनेकी थिइन् कि आफूले यो नोट अरू कसैले पाउँछ र यो हदसम्म पुग्छ भन्ने आफूलाई लागेको थिएन । – एजेन्सी