चर्च ब्वाइज र हिमालयन शेर्पा १-१ गोलको बराबरी

काठमाडौं । सहिद स्मारक ‘ए’ डिभिजन लिग फुटबलमा शीर्ष स्थानको चर्च ब्वाइज युनाईटेड हिमालयन शेर्पा क्लबले बराबरी खेलेका छन् ।

च्यासल मैदानमा आज भएको खेलमा चर्च ब्वाइज र हिमालयन शेर्पा १-१ गोलको बराबरी खेलेको हो । प्रतिस्पर्धात्मक खेलमा सुरुवाती एक गोलको अग्रता जोगाउन नसक्दा चर्च ब्वाइजले अंक बाड्नु परेको हो ।

यस बराबरीसँगै चर्च ब्वाइज २० खेलमा ३७ अंक जोडेर शीर्ष स्थानमा रहेको छ । हिमालयन २० खेलमा २६ अंक जोडेर सातौं स्थानमा रहेको छ ।