आफैसँग इमानदार र सत्यको स्वीकार 

आरामलाई चार्जरका रूपमा प्रयोग : सफल व्यक्तिहरूले रचनात्मक ऊर्जाका लागि आरामलाई चार्जरका रूपमा प्रयोग गर्छन् । कतिपय सफल व्यक्ति पाँचदेखि छ घण्टाको निन्द्रालाई पर्याप्त मान्छन् तर दिनमा तीनदेखि चार पटक सुत्दा धेरै सफल र ताजा महसुस गर्ने व्यक्तिहरू पनि छन् ।

लियोनार्दो द भिन्चीको एउटा प्रख्यात कुरा के हो भने उनी हरेक चार घण्टामा करिब बिस मिनेट सुत्थे ।

हासिल गर्न सकिने लक्ष्य नै कडा परिश्रमको लायक हुन्छ 

ठुलो लक्ष्य प्राप्त गर्न, ठुलो प्रयास आवश्यक छ । कहिलेकाहीँ यसका लागि वर्षौँको कडा परिश्रम र तयारीको आवश्यकता हुन सक्छ। हरेक क्षेत्रमा पहिले मूल्य चुकाउनु पर्छ । जबसम्म हामी असाधारण रूपमा प्रतिभाशाली हुँदैनौ तबसम्म आफैसँग इमानदार रहनुपर्छ र के स्वीकार गर्नुपर्छ भने यदि कुनै लक्ष्य प्राप्त गर्न लायक छ भने त्यो धैर्य र कडा परिश्रम लायक पनि छ।

प्रशंसा गर्दा सम्बन्ध सुमधुर हुन्छ : प्रशंसा सुन्ने चाहना मानव स्वभावको सबैभन्दा गहिरो चाहना हो। हामी प्रायः हाम्रो सफलतालाई सम्भव बनाउने मानिसहरूको प्रशंसा गर्न बिर्सन्छौँ । हामीमा प्रशंसाको सट्टा आलोचना गर्ने चीजहरू खोज्ने प्रवृत्ति छ । सम्मान देखाउँदा सम्बन्ध सुधार मात्र हुँदैन सहयोग र गठबन्धनको भावना पनि सृजना हुन्छ ।

जहाँ उत्तरदायित्व त्यहाँ विकास : जिम्मेवारी शक्ति विकसित गर्ने ठुलो विधि हो । जहाँ जिम्मेवारी हुन्छ त्यहाँ विकास हुन्छ । जिम्मेवार पदहरूमा नहुनेहरू आफ्नो वास्तविक क्षमता विकास गर्न असफल हुन्छन्। उनीहरूलाई आफ्नै लागि योजना बनाउन कहिल्यै प्रोत्साहन हुँदैन, त्यसैले उनीहरूमा मौलिकता, स्वतन्त्रता, आत्मनिर्भरता, साहस तथा सहन शक्ति विकसित हुन पाउँदैन।