वाणिज्य बैंकले ११ महिनामा कमाए ६७ अर्ब रुपैयाँ खुद मुनाफा, कुन बैंककाे कति ?

काठमाडौं । आर्थिक वर्ष २०७९–०८० को पछिल्लो ११ महिनामा बाँणिज्य बैंकहरुले ६७ अर्ब रुपैयाँभन्दा बढी खुद मुनाफा कमाएका छन् । नेपाल राष्ट्र बैंकले सार्वजनिक गरेको बाँणिज्य बैंकहरुको खुद मुनाफा सम्वन्धी विवरण अनुसार आव २०७९–०८० को जेठ मसान्तसम्ममा बाँणिज्य बैंकहरुले कुल ६७ अर्ब २३ करोड १५ लाख १० हजार रुपैंयाँ खुद मुनाफा कमाएका छन् ।

बैंकहरुले कमाएको यो नाफा अघिल्लो आवको सोही अवधिको तुलनामा एक अर्ब रुपैंयाँले बढी हो । आव २०७८–०७९ को ११ महिनामा बाँणिज्य बैंकहरुले ६६ अर्ब रुपैंयाँको हाराहारीमा खुद मुनाफा कमाए थिए । आव २०७९–०८० को जेठ महिनासम्ममा नविल बैंक, ग्लोवल आईएमई बैंक, नेपाल इन्भेष्टमेन्ट मेगा बैंक, एनआईसी एशिया बैंक र राष्ट्रिय बाँणिज्य बैंकले सबैभन्दा बढी नाफा कमाएका छन् ।

यि बैंकहरुको नाफा क्रमशः सात अर्ब ११ करोड ३५ लाख, छ अर्ब ५० करोड ६३ लाख, चार अर्ब ७६ करोड ५१ लाख, चार अर्ब ६३ करोड १० लाख र चार अर्ब ४७ करोड ३४ लाख रुपैयाँ रहेको छ । यि बाहेकका एनएमबी, हिमालयन, प्राईम, स्टान्र्डड चार्टड र नेपाल बैंकले भने क्रमशः तीन अर्ब ३२ करोड ७२ लाख, तीन अर्ब २९ करोड ८९ लाख, तीन अर्ब २१ करोड ६४ लाख, तीन अर्ब ११ करोड ३९ लाख र तीन अर्ब सात करोड ६२ लाख रुपैंयाँ खुद मुनाफा कमाएका छन् ।

आव २०७९–०८० को जेठ मसान्तसम्ममा नेपाल बैंक, कुमारी बैंक, प्रभु, सानिमा र सिद्धार्थ बैंकले क्रमश ः तीन अर्ब छ करोड ६२ लाख, दुई अर्ब ९५ करोड ८४ लाख, दुई अर्ब ८९ करोड ५२ लाख, दुई अर्ब २५ करोड ८७ लाख र दुई अर्ब २५ करोड ५७ लाख रुपैंयाँ खुद मुनाफा कमाएका छन् ।

बैंकको नाम	नाफा
नबिल बैंक	७११३.५८
ग्लोवल आईएमई बैंक	६५०६.३१
नेपाल इन्भेष्टमेन्ट मेगा बैंक	४७६५.१२
एनआईसी एशिया बैंक	४६३१.०४
राष्ट्रिय वाणिज्य बैंक	४४७३.४४
एनएमबी बैंक	३३२७.२८
हिमालयन बैंक	३२९८.९६
प्राईम कर्मसियल बैंक	३२१६.४१
स्टान्र्डड चार्टड बैंक	३११३.९८
नेपाल बैंक	३०७६.२४
एभरेष्ट बैंक	३०६६.२७
कुमारी बैंक	२९५८.४३
प्रभु बैंक	२८९५.२१
सिद्धार्थ बैंक	२२५८.७२
नेपाल एसबिआई बैंक	२२२५.७८
लक्ष्मी बैंक	२०९१.७६
माछापुच्छे बैंक	१६८८.८४
सिटिजन्स बैंक	१६८१.१५
सनराईज बैंक	१६८०.४१
कृषि बिकास बैंक	१५९८.६९