राष्ट्रियसभा चुनावमा २०४७ मतदाता, मधेशमा सबैभन्दा धेरै

काठमाडौं । राष्ट्रियसभा निर्वाचनमा २०४७ जनाले मतदान गर्ने भएका छन् । निर्वाचन आयोगले आइतबार सार्वजनिक गरेको अन्तिम मतदाता नामावली अनुसार प्रदेशसभा सदस्य ५४९ र स्थानीय तहका प्रमुख र उपप्रमुख गरी १४९८ जनाले मतदान गर्ने गर्ने भएका हुन् ।

सबैभन्दा धेरै मतदाता भने मधेश प्रदेशमा रहेका छन् । मधेशमा प्रदेशसभा सदस्य १०७ जना र स्थानीय तहका प्रमुख र उपप्रमुख २६७ जना गरी कुल ३४७ जना मतदाता रहेका छन् ।

त्यस्तै कोशीमा ९३ जना प्रदेशसभा सदस्य र २७४ जना स्थानीय तहका जनप्रतिनिधि गरी ३६७ जना मतदाता रहेका छन् ।बागमतीमा ११० जना प्रदेशसभा सदस्य र २३७ जना स्थानीय तहका जनप्रतिनिधि गरी ३४७ मतदाता छन् ।

गण्डकीमा ६० प्रदेशसभा सदस्य र १७० स्थानीय तहका जनप्रतिनिधि गरी २३०, लुम्बिनीमा ८७ प्रदेशसभा सदस्य र २१८ स्थानीय तहका जनप्रतिनिधि गरी ३०५ जना मतदाता छन् ।

त्यस्तै कर्णालीमा ४० प्रदेशसभा सदस्य र १५६ स्थानीय तहका जनप्रतिनिधि गरी १९६ जना र सुदूरपश्चिममा ५२ प्रदेशसभा सदस्य र १७६ जना स्थानीय तहका जनप्रतिनिधि गरी २२८ जना मतदाता रहेका छन् । १९ सदस्य चयनका लागि ११ माघमा राष्ट्रियसभा निर्वाचन हुँदैछ ।

हेर्नुहोस् कुन प्रदेशमा कति मतदाता र मतभार ? 

क्र.सं.		प्रदेश सभा			स्थानीय तह			कूल मतदाता सङ्ख्या	कूल मतभार
	प्रदेश	मतदाता संख्या	मतभार	जम्मा मतभार	मतदाता संख्या	मतभार	जम्मा मतभार
१	कोशी	९३	५३	४९२९	२७४	१९	५२०६	३६७	१०१३५
२	मधेश	१०७		५६७१	२६७		५०७३	३७४	१०७४४
३	बागमती	११०		५८३०	२३७		४५०३	३४७	१०३३३
४	गण्डकी	६०		३२८०	१७०		३२३०	२३०	६४१०
५	लुम्बिनी	८७		४६११	२१८		४१४२	३०५	८७५३
६	कर्णाली	४०		२१२०	१५६		२९६४	१९६	५०८४
७	सुदूरपश्‍चिम	५२		२७५६	१७६		३३४४	२२८	६१००
जम्मा		५४९		२९०९७	१४९८		२८४६२	२०४७	५७५५९