दसैँ टीकाकाे उत्तम साइत बिहान ११ बजेर ३६ मिनेटमा

काठमाडौं । नेपाल पञ्चांग निर्णायक समितिले यस वर्षको बडादसैंको साइत सार्वजनिक गरेकाे छ । समितिका अनुसार टीकाकाे उत्तम साइत बिहान ११ बजेर ३६ मिनेटमा रहेको छ ।

असोज २६ गते बिहान ११ बजेर ३६ मिनेटमा उत्तम साइत रहेकाे रहेको नेपाल पञ्चांक निर्णायक विकास समितिले जनाएको हाे । समितिका अनुसार असोज १७ गते बिहीबार घटस्थापना दिन बिहान ९ बजेर १६ मिनेटमा जमरा राखिने साइत छ । असोज २४ गते बिहान ७ः११ बजे फुलपाती भित्र्याउने साइत रहेको छ ।

त्यस्तै, नवरात्रारम्भको साइत असोज १७ गते बिहान ९ बजेर १६ मिनेट रहेको समितिले जानकारी दिएको छ । साथै टीकाकाे दिन बिहान ८ बजेर ३३ मिनेटमा देवी विसर्जन गरिने पनि जनाइएको छ ।