पञ्चायत सिजन – ४ को सुटिङ धमाधम

काठमाडाैं । भारतको लोकप्रिय मनोरञ्जन प्लेटफर्म प्राइम भिडियोले आफ्नो बहुप्रतिक्षित मौलिक श्रृंखला पञ्चायतको चौथो सिजनको सुटिङ सुरु गरेको छ । यसको चौथो सिजनको सेटबाट एउटा तस्बिर सेयर गरिएको छ, जसमा अभिनेता जितेन्द्र कुमार, चन्दन रोय र फैजल मलिक आधिकारिक रूपमा पञ्चायतको अर्को रोमाञ्चक अध्याय सुरु गर्दैछन्। पञ्चायत दर्शकहरुबाट निकै रुचाइएको लोकप्रिय कमेडी-ड्रामा हो ।

दीपक कुमार मिश्राद्वारा निर्मित, चन्दन कुमारद्वारा लिखित तथा दीपक कुमार मिश्र र अक्षत विजयवर्गीयले निर्देशन गरेको पञ्चायत सिजन – ४ लाई ‘द भाइरल फिवर ‘ द्वारा निर्माण गरिएको हो । यो शृङ्खलामा जितेन्द्र कुमार मायालु सचिवको मुख्य भूमिकामा छन् भने रघुवीर यादव, नीना गुप्ता, सान्विका, चन्दन रोय, फैसल मलिक, दुर्गेश कुमार, सुनिता राजवार र पंकज झा जस्ता माझिएका कलाकारहरूले महत्त्वपूर्ण भूमिका निर्वाह गरेका छन् । पुराना कलाकारहरुका साथै दर्शकहरूले पञ्चायत – ४ मा नयाँ पात्रहरू सँग पनि साक्षातकार गर्न पाउनेछन् ।

पञ्चायत सिजन – ४ मा हृदय छुने हास्य, प्यारा पलहरू र अद्वितीय नाटक समावेश छ जसबाट दर्शकहरूले धेरै रमाइलो गर्नेछन्।

वेब सिरिज ‘पञ्चायत’ को पहिलो र दोस्रो सिजन जस्तै तेस्रो सिजनले पनि दर्शकको मन जितेको थियो । यो शृङ्खलाका हरेक पात्रले दर्शकको मनमा गहिरो छाप छोडेका छन । त्यसैले पनि यसको चौथो सिजनलाई लिएर दर्शकहरुमा बढि नै उत्सुकता छ।