प्राइम भिडियोमा उपलब्ध क्राइम थ्रिलर श्रृंखला

चलचित्रसँगै मानिसहरु अहिले वेब सिरिजहरुका पनि दिवाना छन् । धेरै दर्शकले ‘मिर्जापुर’ हेरेका छन् र यसलाई मन पनि पराएका छन् । यदि तपाइँ यस्तै अर्को शृङ्खला हेर्न चाहनुहुन्छ भने हामी तपाइँलाई केहि अपराध थ्रिलरहरूका बारेमा बताउँदै छौं जसलाई हेर्दा ‘मिर्जापुर’ बिर्सने पक्का छ ।

ओटिटि प्लेटफर्म प्राइम भिडियोमा मानिसहरूले ‘मिर्जापुर’ लाई धेरै माया दिए । यो प्राइम भिडियोहरूका उत्कृष्ट श्रृंखला मध्ये एक हो । अहिलेसम्म यसका तीन भाग आएका छन् र तीनवटै हिट भएका छन् । यो क्राइम थ्रिलर सिरिजमा कलाकारहरुको अभिनयदेखि कथासम्म दर्शकहरुले मन पराएका छन् ।

अफसोस (Afsos)

गुलशन देवैया , हिबा शाह र अञ्जली पाटिल स्टारर सिरिज ‘अफसोस ’ २०२० मा स्ट्रिम गरिएको थियो । यसको कथा अनुसार एक व्यक्तिले एक वा दुई पटक होइन ११ पटक आत्महत्या गर्न खोज्छ, तर कुनै न कुनै कारणले प्रत्येक पटक असफल हुन्छ । त्यसपछि के हुन्छ भन्ने कुरा देखेर तपाई छक्क पर्नुहुनेछ । यो शृङ्खला ओटिटि प्लेटफर्म प्राइम भिडियोमा हेर्न सकिन्छ।

बम्बई मेरी जान

२०२३ मा आएको यो थ्रिलर शृङ्खलामा अविनाश तिवारी, कृतिका कामरा र के के मेननलगायत धेरै कलाकारहरू देखा परेका थिए । यसको कथा एक गुण्डाको वरिपरि घुमेको छ । यसमा एउटा व्यक्तिले आफ्नो परिवार सहित सबै कुरालाई कसरी दाउमा राख्छ र गुन्डा बन्छ भनेर देखाईएको छ । त्यसपछि के हुन्छ भन्ने कुरा थाहा पाउन तपाईंले शृङ्खला नै हेर्नुपर्नेछ ।

रिचर (Reacher)

‘रीचर’ सन् २०२२ मा रिलिज भएको एक्शन फिल्म हो, जसमा एलन रिचसन र विल्लाले अभिनय गरेका थिए । यो हलिउड क्राइम थ्रिलर शृंखला ली चाइल्डको उपन्यासमा आधारित छ। यसको कथामा ठूलो एक्सन हेर्न पाइन्छ जसले ‘मिर्जापुर’ जस्ता श्रृंखलालाई पछाडि छोडछ ।

ब्रीथ (Breathe)

सन् २०१८ मा रिलिज भएको थ्रिलर शृंखला ‘ब्रेथ’ मा अमित साध, आर माधवन र नीना कुलकर्णीलगायत धेरै कलाकार देखा परेका थिए । यसको कथाले आफूले माया गर्ने मानिसलाई जोगाउन कसैले कतिसम्म गर्छ भन्ने कुरा देखाउँछ । दुई हताश र उत्प्रेरित पुरुषले आफ्नो प्रेमलाई बचाउन के गर्छन् हेर्न निकै रमाइलो हुनेछ ।

द फेमिली म्यान (The Family Man)

मनोज बाजपेयीको यो शृङ्खलाका बारेमा धेरै कुरा बताउन आवश्यक छैन, किनभने मानिसहरूले यसको दुवै सिजन निकै मन पराएका छन् । यसमा फुल अन एक्शन र थ्रिलर हेर्न पाइन्छ ।