सरकारले ल्याएको अध्यादेशविरुद्ध सदनमा शसक्त रुपमा धारणा राखिन्छ : रास्वपा

काठमाडाैं । राष्ट्रिय स्वतन्त्र पार्टी (रास्वपा)ले सरकारले ल्याएको अध्यादेशबिरुद्ध सदनमा शसक्त रुपमा धारणा राख्ने निर्णय गरेको छ ।

सिंहदरबारमा बुधबार बसेको रास्वपा संसदीय दल बैठकले ६ वटा अध्यादेशबिरुद्ध विरोधका सूचना दर्ता गरेको भन्दै अध्यादेशबिरुद्ध सदनमा शसक्त धारणा राख्ने निर्णय गरेको हो ।

बैठकले संसदको चालू अधिवेशनको पहिलो बैठकको आकस्मीक समयमा सभामुखले बोल्न समय नदिएकोप्रति आपत्ती जनाउदै आगामी बैठकको आकस्मीक समयमा बोल्न समय माग गर्ने निर्णय गरेको छ ।

साथै संसदमा विचाराधीन विधेयकलाई अध्ययन गर्नका लागि पार्टीको विधेयक अध्ययन समितिलाई सक्रिय बनाउने निर्णय गरिएको रास्वपा सचेतक निशा डाँगीले जानकारी दिइन् ।

त्यस्तै आगामी दिनका संसदको बैठकका शुन्य र विशेष समयमा पार्टीको एजेण्डा र जनताका आवाजलाई प्रभावकारी ढंगले उठान गर्ने निर्णय गरिएको सचेतक डाँगीले बताइन् ।