‘युद्धविराम सम्झौताको पालना गर्दै भारतको सार्वभौमसत्ता कायम राख्न सतर्क रहन्छाैं’

काठमाडाैं । भारत रक्षा मन्त्रालयले पत्रकार सम्मेलन गरेकाे छ । भारत र पाकिस्तानबीच युद्धविराम सम्झौताको घोषणा भएको केही समयपछि रक्षा मन्त्रालयले पत्रकार सम्मेलन गरेकाे हाे ।

पत्रकार सम्मेलनमा भारतीय सेनाका अधिकारी कमोडोर आर रघु नायरले सेना युद्धविराम सम्झौताको पालना गर्ने तर भारतको सार्वभौमसत्ता कायम राख्न सतर्क रहने बताए ।

यसैबीच, विङ कमाण्डर व्योमिका सिंहले पाकिस्तानले भ्रामक प्रचार अभियान चलाउन धेरै प्रयास गरेको बताएकी छिन् ।पत्रकार सम्मेलनमा विङ कमाण्डर व्योमिका सिंहले पाकिस्तानको त्यो दाबीलाई अस्वीकार गरिन् ।

उनले भनिन्, ‘आफ्नो कारबाहीमा, सेनाले ती ठाउँहरूलाई निशाना बनायो जुन आतंकवादी शिविरहरू थिए वा ती ठाउँहरू जुन भारत विरोधी गतिविधिहरूको लागि प्रयोग गरिँदै थियो । म भन्न चाहन्छु कि भारतीय सशस्त्र सेनाले कुनै पनि धार्मिक स्थललाई निशाना बनाएको छैन।’

यसअघि पाकिस्तानले भारतीय सेनाले आक्रमणमा मस्जिदहरूलाई निशाना बनाएको आरोप लगाएको थियो ।